Styrkir úr Menningarsjóði afhentir

Nú síðdegis var efnt til kaffisamsætis á Hótel KEA á Akureyri þar sem afhentir voru styrkir úr Menningarsjóði KEA. Alls hlutu 20 aðilar styrk að þessu sinni, 100 þúsund krónur hver. Fjöldi styrkumsókna hefur farið vaxandi hjá Menningarsjóði KEA á undanförnum árum og sagði Eiríkur Jóhannsson, stjórNú síðdegis var efnt til kaffisamsætis á Hótel KEA á Akureyri þar sem afhentir voru styrkir úr Menningarsjóði KEA. Alls hlutu 20 aðilar styrk að þessu sinni, 100 þúsund krónur hver. Fjöldi styrkumsókna hefur farið vaxandi hjá Menningarsjóði KEA á undanförnum árum og sagði Eiríkur Jóhannsson, stjórnarmaður í Menningarsjóðnum og fyrrverandi kaupfélagsstjóri, að einmitt af þeirri ástæðu hafi fyrir nokkrum árum verið mörkuð sú stefna að veita fleiri styrki en lægri. Eiríkur sagði það tímamót að þessu sinni að tveir styrkir vorur veittir einstaklingum vegna bókaútgáfu og sömuleiðis bárust sjóðnum umsóknir frá Siglufirði í fyrsta sinn og voru veittir tveir styrkir til menningarverkefna þar í bæ.. Benedikt Sigurðarson, stjórnarformaður KEA, sagði við þetta tækifæri að í ljósi breytinga á Kaupfélagi Eyfirðinga verði stuðningur við menningarstarfsemi í öðru formi í framtíðinni en áður. Ætlunin sé að leggja enn ríkari áherslu en áður á að styðja menningarstarfsemi og má í því sambandi benda á stuðning KEA við Listasumar á Akureyri 2002. Eftirtaldir fengu styrk úr Menningarsjóði KEA í dag: Dangotrío Hrafnaspark, Akureyri Styrkur vegna ferðar til Svíþjóðar Skútustaðakirkja, Mývatnssveit Styrkur til kaupa á pípuorgeli Kvenfélagið Baldursbrá, Akureyri Styrkur til söfnunar vegna kaupa á steindum glugga í Glerárkirkju Lára Sóley Jóhannsdóttir, Húsavík Styrkur til greiðslu skólagjalda vegna fiðlunáms Mývatnssafn Styrkur til reksturs safnsins Sólseturskórinn, Kór eldri borgara, Húsavík Styrkur vegna kóramóts eldri borgara og söngskemmtanahalds "Músík í Mývatnssveit" Styrkur vegna páskatónleika 2002 Lúðrasveit Akureyrar Styrkur vegna ferðar til Svíþjóðar í tilefni af 60 ára afmæli sveitarinnar Björn Þorláksson, Akureyri Styrkur vegna bókaútgáfu Kór Glerárkirkju, Akureyri Styrkur vegna tónleikaferðar til Ungverjalands Áhugafólk um Þjóðlagasetur sr. Bjarna Þorsteinssonar Styrkur til uppbyggingar setursins á Siglufirði Hlöðver Sigurðsson, Siglufirði Styrkur til söngnáms Húsabakkakórinn "Góðir Hálsar", Svarfaðardal Styrkur vegna útgáfu á geisladiski Haraldur Ingi Haraldsson Styrkur til rannsókna á íslenskum sagnaarfi Menningarhátíð í Mývatnssveit Styrkur vegna hátíðartónleika 16. júní 2002 Flugsafnið á Akureyri Styrkjur til uppbyggingar safnsins Arnarauga / Örn Ingi Styrkur vegna gerðar kvikmyndarinnar Gildrunnar Jóhann Áreliuz, Hrísey Styrkur vegna skrifta á fyrra bindi "skáldævisögu" umsækjanda UMF Efling, Reykjadal Styrkur vegna uppsetningar á "Fiðlaranum á þakinu" Júlíus Björnsson / Sigrún Björnsdóttir, Akureyri Styrkur vegna komu hljómsveitarinnar Jazz in Dukes frá Svíþjóð til Akureyrar, Húsavíkur og Dalvíkur