Þessi mynd var tekin af undirritun samningsins á veitingastaðnum Friðriki V á Akureyri í dag. Á myndinni eru meðal annarra Haraldur Ingi Haraldsson frá Norðurskel, Helgi Aðalsteinsson frá Tækifæri hf., Halldór Jóhannsson frá KEA, Víðir Björnsson frá Norðu
Í dag var undirritaður samningur um fjármögnun á uppbyggingu ræktunar á bláskel í Eyjafirði á vegum fyrirtækisins Norðurskeljar ehf. í Hrísey. Samningurinn miðar að því að byggja upp 800 tonna ræktun á bláskel á ári, innan þriggja ára, en félagið hefur ræktunar- og starfsleyfi á þremur stöðum í EyjaÍ dag var undirritaður samningur um fjármögnun á uppbyggingu ræktunar á bláskel í Eyjafirði á vegum fyrirtækisins Norðurskeljar ehf. í Hrísey. Samningurinn miðar að því að byggja upp 800 tonna ræktun á bláskel á ári, innan þriggja ára, en félagið hefur ræktunar- og starfsleyfi á þremur stöðum í Eyjafirði við Dagverðareyri, Rauðuvík og Hrísey.
Nú er Norðurskel með um 50 km af lirfusöfnurum (línum) í sjó, en sá samningur sem nú er í höfn, gerir ráð fyrir að næstu þrjú árin verði settir út um 100 km af lirfusöfnurum á ári.
Eftir endurfjármögnun Norðurskeljar eru hluthafar í félaginu eftirfarandi:
25% - Fumkvöðlar í Norðurskel Víðir Björnsson, Steinþór Guðmundsson, Haraldur Ingi Haraldsson, Þórarinn Þórarinsson, Guðni Björn Gunnlaugsson og Erlendur Steinar Friðriksson
20% - Eignarhaldsfélagið Samvinnutryggingar
20% - Kaupfélag Eyfirðinga svf.
20% - Tækifæri hf.
15% - Akureyrarbær, Sæplast hf. og Byggðastofnun
Árið 2000 hóf Norðurskel ehf. ræktun á bláskel í Eyjafirði og hefur aflast mikil vitneskja um ræktunarskilyrði, hvað beri að varast og hverjir séu styrkleikar svæðisins.
Bláskel frá Norðurskel hefur m.a. verið á boðstólum á nokkrum hérlendum veitingastöðum og hefur fengið mjög góða dóma. Áðurnefndur samningur gerir ráð fyrir verulegri aukningu framleiðslu á næstu árum og útflutningi í kjölfarið.
