Menntamálaráðherra afhendir styrki úr Menningar- og viðurkenningarsjóði.

Menntamálaráðherra,  Þorgerður Katrín Gunnarsdóttir afhenti í dag styrki úr Menningar- og viðurkenningasjóði KEA við hátíðlega athöfn í Ketilhúsinu á Akureyri.  Að þessu sinni hlutu 22 einstaklingar og félagasamtök styrki úr sjóðnum, samtals að upphæð 5 milljónir króna.

Auk þess að úthluta úr Menningar- og viðurkenningasjóði var kynnt vinna sem staðið hefur yfir við gerð söguskilta sem sett verða á gömlu KEA húsin sem standa við gilið á Akureyri en á skiltunum er rakin saga húsanna í máli ogmyndum.  KEA og menningamálanefnd Akureyrarbæjar hafa í sameiningu unnið að verkefninu og verða skiltin sett upp á næstu dögum.

Styrkþegar
Úthlutað úr flokki almennra styrkja en þar var hver styrkur kr. 150.000.-.  Eftirtaldir fengu úthlutun:

• Félags- og skólaþjónusta Þingeyinga  til að standa fyrir Menningarhátíð fyrir fatlaða.
• Menningarsmiðjan Populus tremula sem stendur fyrir röð listviðburða á menningarhátíð sem þeir kalla "Lýsum skammdegið upp".  Þar sem meðal annars er boðið uppá tónlistarviðburði og myndlist.
• Björg Þórhallsdóttir söngkona.
• Hljómsveiting Vipepe-Marimba sem er skipuð 13-15 ára börnum úr Hafralækjarskóla í Aðaldal.  Þau spila afríska tónlist.
• Kvæðamannafélagið Gefjun sem varðveitir íslenska rímnahefð, iðkar hana, safnar efni og varðveitir.
• Félag sjálfstætt starfandi fræðimanna á Norðurlandi til að skjóta stoðum undir félagið og starfssemi þess.
• Þjóðlagasetur sr. Bjarna Þorsteinssonar  til að halda áfram tökum af kvæðamönnum vítt og breytt um Ísl. til sýninga í Þjóðlagasetri.
• Fornleifaskóli barnanna sem er Samvinnuverkefni Ferðaþjónustunnar á Narfastöðum og grunnskólans Litlu laugum.
• Michael Jón Clarke sem hlýtur styrk til að gefa út geisladisk og bók eftir að hafa haldið tónleika í Laugaborg og flutt Vetrarferðina eftir Shubert.
• Hlöðver Sigurðsson sem stundar einkanám í söng hjá Kristjáni Jóhannssyni og hlýtur styrk til að halda tónleika á félagssvæði KEA.
• SÍUNG samtök barna- og unglingabókahöfunda hlýtur styrk til að halda barnabókahátíð á Akureyri.
• Helena Eyjólfsdóttir hýtur styrk til að halda upp á 50 ára söngafmæli sitt með tónleikum.
• Ferðafélagið Fjörðungur hlýtur styrk til að merkja 30 eyðibýli í Fjörðum og á Látrastönd.
• Sögufélag Eyfirðinga  hlýtur styrk til að vinna ábúenda- og jarðatal Stefáns Aðalsteinssonar fyrir Eyjafjarðarsveit og jarðirnar norður að Glerá.

Eftirtaldir fengu styrk í flokki þátttökuverkefna:

• Eyjafjarðarsveit kr. 800.000.- til að Koma upp Búvéla-og búnaðarsögusafni í Saurbæ en í Sólgarði sem stendur við Saurbæ er nú rekið Smámunasafn.
• Nonnahús kr. 300.000.-  til að setja upp sýningu í tilefni 150 ára afmælis Nonna, á Akureyri, Reykjavík og e.t.v í Þýskalandi.
• Hjálmar Stefán Brynjólfsson kr. 300.000.- til að halda áfram vinnu við að skrá Bókasafn Davíðs Stefánssonar en hann hefur þegar hafið þá vinnu.
• Sinfóníuhljómsveit Norðurlands kr. 450.000.- til að standa fyrir skólatónleikum.
• Safnahúsið á Húsavík/sjóminjasafn 400.000.- til að búa til gagnagrunn eða landupplýsingakerfi þar sem skrá á öll fiskimið Þingeyinga þ.e. Árabátamiðin.
• Kristján Kristjánsson kr. 300.00.- til að gefa út heildarljóðasafn Kristjáns frá Djúpalæk.
• Sveinn Elías Jónsson kr. 250.000.- til að byggja veg að gröf Hræreks konungs
• Ferðafélag Siglufjarðar kr. 200.000.- til að merkja gönguleiðir umhverfis Siglufjörð.